MAIDUL DULSANI MWKTWI by R Borok Debbarma

0
384
MAIDUL DULSANI MWKTWI
4.8
(8)

MAIDUL DULSANI MWKTWI

R Borok Debbarma


Maising Jorani siyari koboljak
Nok brwm brwmno hor tonglaijak.

Joli mai kwchak kwchangui thangjak
Amani yakni MAIDUL mai sokjak.

Hoki bothorai mokol chaksajak
MAIDUL kitingui khamsajak.

Motom huku-ku kwkhamni bahai
Ama naharo Thuyamni sochai.

MAIDUL kitingui khamchara chajak
Kwkham tamoswk angba thokjak.

Khugo chatotui pal bai thunglaio
Wakak Naisikgui ano sansao.

Dulsa chabaikhe sapung sal thango
Sapung thunglaimang Jora laio.

Ata khe bini chai paibaikha
Khaksa chanani ano sansakha.

Rwya hwnmani Ata bujiya
Kisa rwmase Chana naitiya.

Yak sotonui Khaksa warlangkha
Amano ringui Chirik ang kapkha.

Khitarui hao MAIDUL no rwkha
Swisa khapsakhe warui tlangkha.

Chirigui teibo kapna ang chengkha
Nana bamsawi ano naphaikha.

Swlwkma Dwgwi kapwi ang tongkha
Tei dulsa manna khao muchungkha.

Ani naimano Ama sai manui
Rwphaio ano BAKA ni kariwi.

Kha swrangui achuk ang chakha
MAIDUL DULSANI MWKTWI ransakha.

Written by R Borok Debbarma

Click on a star to rate it!

Average rating 4.8 / 5. Vote count: 8

No votes so far! Be the first to rate this post.

LEAVE A REPLY

Please enter your comment!
Please enter your name here